حورية البحر .... بقلم أ / رضا عفيفي السيد

بقلم / رضا عفيفي السيد

 

خرجت حوريه البحر وقالت ...
تعالى أقولك كلام جميل
وأحققلك حلمك المستحيل
...

انزل لبحرى شفا العليل
خفت من عنيها المسحورين
خفت من قصص المجذوبين
لمست جبينى بلمسه العاشقين
مسحت سنين التوهه والقهر
خرجت من جوفى
التعب والشقى
رجعتلى احلي سنين العمر
يا حورية البحر
انتي حقيقه
ولا لعبة الزهر
مسكت أدية وضمتني
بين الموج والصخر
انا جيت إرجع من تاني
احلامك
وايامك
وعمرك
اللي اتباع ف عز الظهر
وشفت في عنيها دموع
لولى ومرجان ويقوت
تعالى وقول
فضفض عن الهوي
عن روحك الاسريه
في عصر القهر
قلت ............
يا حوريه من الجنه
يا سحر العيون
واسطوره العصور
ليه انا اللي اخترتيه
وشطوطك شباب ولا فخر
مسكت اديه وقالت.........
انا يا حبيب العمر
بدور عن الحنان والوفا
وسالت عليك طيور السما
والانهار.........
والبحر.........
وسمعت صوتك صراخ
طفل.......
وحيد في ليل الشتا
قلبي دق انا الغريق
ف بحور العشق
وقلت يا حوريه البحر
تعالى نمضى عقود الهوا
والصدق
وأزرع نبته الحب
الصافى
والوافى
ونخليها م الزيف والكدب
ليه سكتي مبتتكلميش
قولى اه ....ا غوص معاكي
جوا بحورك اللي مبتنتهيش
نزلت دموعها اللولى
وسحبتنى معاها
لسعاده........
أنا أزاي من غيرها
كنت راح أعيش