ازرع الأمل في بكره .. شعر لطفى أمين
ازرع الأمل في بكره
واستني يطرح خير
وابدر كلمتك فكره
تصحي جوانا الضمير
شارك بقلمك ياكاتب
وأملك في ربك كبير
وانشر وطالب وخاطب
وعلي درب وطنك تسير
الغرب مش أذكي منك
وعن بلدك مش زيك يغير
مصلحة وطنك تهمك
واهمالها وباله خطير
انشر الوعي بثقافتك
وتواضعك هيغير كتير
وتلقي الكل معاك في صفك
ما تفرقش مأمور من أمير
ربك وهبلك نعمه غاليه
وضريبتها للخير تبقي سفير
ليست هناك تعليقات
إرسال تعليق