عايزك تقولى ياوطن.. شعر : جلال أمين

 

قصيدة : عايزك تقولى ياوطن

للشاعر : جلال أمين

ألقيت فى ندوة منتدى كنوز تمر حنه الأدبى بنادى الشمس 

بالقاهرة يوم 30/6/2012

عايزك تقولى ياوطن

فى كم شهيد فيك اندفن

عايزك تقولى ياوطن

ليه حبنا بقى من غير تمن

هو اللى بجرى فى دمنا ميه

كل الكبار طلعوا حبه حراميه

عايزك تقولى ياوطن

ليه الكرامه مالهاش كفن

وليه الحلم بيتوئد قبل مايتولد

واللى يقول الحق فينا يتشرد

ماهو النسيم جاى لينا من غير أمل

والفرح طارح جوه القلوب حزن اكتمل

ليه ياوطن طعم المرار دايما نحسه فى حلقنا

عايزك تقولى هو مين غير حضنك انتا يضمنا

وبلاش تقولى انك بقيت زينا عمال بتحلم بوطن

يعنى خلاص ضاع حلمنا انا نعيش من غير وطن

ياللى سرقتم مننا كل شئ حتى الوطن 

ياريت تسيبوا يوم ما أموت قطن وكفن

ولا بكارة حلمنا طالها العفن 

نفسى تقولى ياوطن

ليه القريب فيك لايؤتمن

وابن الاصول مالوش تمن

ليه ياوطن ولا انت لساك بتحلم بوطن

أه ياوطن دم الألم منك جوانا اتحقن

ودمع العين بيكوى الخد بعد ماشق االجفون

واياك حتاخد حلمنا يوم مننا وتبيعه للى خان

قولى ياوطن ليه موال حبنا مخنوق م الحزن

وليه غناك بدون نغم ولحن حبك مافهوش شجن

شلنا اللى خانقنا طلع اللى جاى بركان عفن

حنعمل ايه يمكن جذورنا فسدت وهيا بتندفن

يمكن جدودنا أتبدلوا ويا الغزاه جوه السفن

ولا كرامة أمنا صابها الخيانه فى لحظه وهن

ارجوك تقولى أنا ابن مين ياوطن

قبل ما ألملم جراحى منك وأروح للكفن

منك شكيت لله وقت الأدان