كان يا ما كان
كان يا ما كان
بقلم : أمينةخلف
------------------------
كان في شعب
صابر ع المر وتعب القلب
شاف الويل
وفاض الكيل
خرج وقال
الصمت محال
مصر يا أم
يا حاملة الهم
امسي عدا
وبكرة أهم
وفضل صامد صامد صامد
والجلاد عمال بيعاند
واما الفجر لاح
روح بيته يرتاح
طلع عليه الصباح
يدور على ثورته
كان هنا ميدانه
وكان هنا فرحته
وكان هنا شهيده
صاحبه ودفنه بإيده
و كان هنا أمله
يعيد مجده بعمله
أتاري جلاده
لسه على عناده
جاي بكرباجه
ولم في ادراجه
آمال 80 مليون
حالف ما يوم هتكون
اسمع يا جلادي
أنا جاي في ميعادي
أملي ما يوم هيموت
خلاص بطلت سكوت
ولو هتاخد حلمي
تبقى ناوي ع الموت
ولو هتاخد حلمي
تبقى ناوي ع الموت
ليست هناك تعليقات