يا وردة وسط الجناين
بقلم :حسام تايجر
-------------------------------
يا وردة وسط الجناين
عطرك خلانى ابوح
واقول كلام غصب عنى
من قلب قلب الروح
يا مدهشة بنيلك وبحرينك
شمسك ساعة العصاري
تشفي عليل مجروح
نسمة هواء عالنيل
من العصر للمغرب
لو كنت مرة عليل
هترد فيك الروح
يام القلب الكبير
حضنك يساع الكل
لو جالك الملايين
بابك اكيد مفتوح
انا مصري راسم علم
دايما علي خدي
وبقلم المحبة نقشت
اسمك علي صدري
وان يوم لسانى سكت
ينطق بها قلبي
تعيشى لية يا مصر
يا حبيبتى يا عمري
تعيشى لية يا مصر
يا حبيبتى يا عمري
اشعار---حسام تايجر
ليست هناك تعليقات
إرسال تعليق