الشهيد
الشاعر: احمد عبد الحليم
------------------------
المكان هو المكان والزمان غير الزمان
المكان ده الناس عليه دايما تدوس
المكان ده نقطة على الخريطة وفى القاموس
كلنا نعرف مكانه وكلنا فى قلب الميدان
الميدان هو الميدان والزمان غير الزمان
فيه ناس من بلادى غيروا وجه الزمان
فيه ناس من بلادى تجمعوا جوه الميدان
العساكر فاكره ان الناس تخاف من الانتقام
بس قال الحر لا مش هنرضى بالهوان
راح وقال للظلم لا ومات شهيد جوه الميدان
الشهيد زفوه صحابه فى توب ابيض للجنان
الشهيد ده دمه طاهر عطر بريحه المكان
النهارده مصر فرحانه بولادها وبالزمان
وانت ياشهيد ليك علينا كل حب وامتنان
ليست هناك تعليقات
إرسال تعليق