نداء إلى مرشحي الرئاسة بقلم/ محمد مصطفى صالح رزق
نداء إلى مرشحي الرئاسة
بقلم/ محمد مصطفى صالح رزق
---------------------------------------
أنا مش مرشح فالانتخابات اللى جاية
أنا كافي خيري شري ومش ناقص أذية
وأوعوا تفتكروا ده ضعف أو تراجع
أو تقولوا عليا سكة أو هفية
دى الرياسة يا ناس يا ساسة مش لقية
فتحوا دماغكوا بقى معايا للقضية
الرياسة ماهى مغنم لا دى مغرم
فيها فن وشورى عدل ومسئولية
ناس تخطط للبلدي واللي فيها
ناس تفكر لاجل أجيالنا اللى جاية
ناس تعمر تنشر الخير والمحبة
ناس خلقها الرب علشان تبقى هيه
اللى تخدم واللي تحرس واللى تسمع
للكلام وللنصيحة الاخويه
ناس بتنزل للشوارع والحواري
ناس بتطمن على حال الرعية
مش بتقعد في المكاتب والمكيف
وابقي بره فنار وزحمة خانقه فيا
ناس تحقق ناس تدقق حبة حبة
ناس قلوبها بيض تفيض بالإنسانية
ناس بتعدل يوم ماتظلم اصل عارفه
أخره الظلم ده ظلمه وقسيه
ناس ضميرها صاحي عايش يوم ما ترضى
بالاهانة والخيانة ناس أبيه
واللى يمسك يوم رياسة يخلى باله
م اللى قبله ويتعظ م القصة دية
كان بيخطب قال وريس جل شانه
عدى يوم والتاني راح والكل هانه
أصله تاه و معاه بقى مراته وعياله
وسط شله بايظة فاسدة ديمقراطية
وأنت ياللى ناوي تبقى لينا ريس
خلى بالك تبقى قد المسئولية
وأوعى يوم تنسى قسم قلته هترعى
مصلحه عامه ووحدة وطنية
والنبي المختار تخليه نصب عينك
أصلة قدوة وأسوة حسنة ليك وليا
تهتدي بهديه وسيرته وبصحابته
أصل دول فعلا نجومنا الحقيقية
نفذ البرنامج اللى فيوم رسمته
وبيه دخلت للقصور الرئاسية
وأوعى تغتر بزينتها أو هيبتها
دا عرض زائل وأيام منتهية
شيلة صعبة تقيله أوعى تهوى بيها
في جهنم سوده والعة نار لظية
بقلم/ محمد مصطفى صالح رزق
أنا مش مرشح فالانتخابات اللى جاية
أنا كافي خيري شري ومش ناقص أذية
وأوعوا تفتكروا ده ضعف أو تراجع
أو تقولوا عليا سكة أو هفية
دى الرياسة يا ناس يا ساسة مش لقية
فتحوا دماغكوا بقى معايا للقضية
الرياسة ماهى مغنم لا دى مغرم
فيها فن وشورى عدل ومسئولية
ناس تخطط للبلدي واللي فيها
ناس تفكر لاجل أجيالنا اللى جاية
ناس تعمر تنشر الخير والمحبة
ناس خلقها الرب علشان تبقى هيه
اللى تخدم واللي تحرس واللى تسمع
للكلام وللنصيحة الاخويه
ناس بتنزل للشوارع والحواري
ناس بتطمن على حال الرعية
مش بتقعد في المكاتب والمكيف
وابقي بره فنار وزحمة خانقه فيا
ناس تحقق ناس تدقق حبة حبة
ناس قلوبها بيض تفيض بالإنسانية
ناس بتعدل يوم ماتظلم اصل عارفه
أخره الظلم ده ظلمه وقسيه
ناس ضميرها صاحي عايش يوم ما ترضى
بالاهانة والخيانة ناس أبيه
واللى يمسك يوم رياسة يخلى باله
م اللى قبله ويتعظ م القصة دية
كان بيخطب قال وريس جل شانه
عدى يوم والتاني راح والكل هانه
أصله تاه و معاه بقى مراته وعياله
وسط شله بايظة فاسدة ديمقراطية
وأنت ياللى ناوي تبقى لينا ريس
خلى بالك تبقى قد المسئولية
وأوعى يوم تنسى قسم قلته هترعى
مصلحه عامه ووحدة وطنية
والنبي المختار تخليه نصب عينك
أصلة قدوة وأسوة حسنة ليك وليا
تهتدي بهديه وسيرته وبصحابته
أصل دول فعلا نجومنا الحقيقية
نفذ البرنامج اللى فيوم رسمته
وبيه دخلت للقصور الرئاسية
وأوعى تغتر بزينتها أو هيبتها
دا عرض زائل وأيام منتهية
شيلة صعبة تقيله أوعى تهوى بيها
في جهنم سوده والعة نار لظية
بقلم/ محمد مصطفى صالح رزق
ليست هناك تعليقات