(( الكلمة )) للشاعر ~~~~~ رضا ابو الغيط
الكلمه
بقلم / رضا أبو الغيط
******************
من الألم
رافضه الحروف
تنعزل عن سن القلم
لحظه ما شافت الكلام
مات وانظلم
كل الحروف
صابها القلق
رافضه تكون فوق الورق
رافضه تكون
تحت الرجول
لما بعينيها ايقنت
ان الزمان
زمن التتار
زمن المغول
كل الحروف صابها الزهول
صابها القلق
لما بعينيها أيقنت
ان الكلام
على ايد لئام
بينجلد وبينشنق
كل الحروف
رافضه تكون
طبله ف ايد الأغبيا
أوحتى ترقص
قدام ببان الأغنيا
الكلمه عازمه لو تجوع
ما تكون ف يوم
غير شموع
تضيئ جميع الأوديه
جوه العقول
مش فوق سطوح الأبنيه
كل الحروف
صابها البكا
حتى القلم سنه انكسر
والحرف
من جهل البشر
ليا اشتكى
رافض يكون
زينه ف بلاط المملكه
حرفى الحزين
صابه التعب
رافض يكون
أرجوز خشب
رافض يصوم
آخر رجب
حرفى اللى ساكن كوكبى
رافض يعيش
زمن العجب
حالف ما يبقى غير رسول
أو نبى
حالف ما يبقى ف يوم ذًنًب
رضا ابو الغيط
ليست هناك تعليقات