نفسى ليكى ريحه ، بقلم / عمر ابو عميره

نفسى اقولك كلمه بحبك

جنب ودنك تسمعيها

نفسى تانى فيها اكتر

جو ه حضنك تلمسيها

نفسى اخلى الدنيا ورده

وانتى ليا تقدميها

نفسى اضمك جوه فرحه

فوق شفايفك ترسميها

نفسى اجبلك بكره طرحه

يوم زفافك تلبسيها

نفسى ليكى بجد رايحه

وانتى تانى جايه بيها

حتى قلبى بين ايديكى

ليكى ضحكه تضحكيها

حتى روحى عايشه فيكى

واوعى عنك تبعديها

لسه فاكر احلى كلمه

جوه ودنى بتقوليها

وانتى قاعده جوه قلبى

بين ضلوعى ساكنه فيها