جميل انك ........ للشاعرة سميرة الاسريجى

جميل انك 
تكون وحدك مع نفسك
تكلمها -- وتشكيلها وجع قلبك
ماهى نفسك
وجايز تبقى لوامه
تشيل عنك هموم ياما
تحاسبك لو تكون غلطان
بحكمه تجعلك انسان
تكون صادق
وعمرك يوم ماتبقى جبان
وممكن تبقى اماره
وخوانه وغداره
تقضى ع البراءه فيك
ترضى غرورك و هاترضيك
وتمد ايدها عشان تاذيك
وتاذى بايدك اعز ماليك
وساعتها هاتندم معاليك
ونفسك دى راح تفرح فيك
وتبقى سعيد وتتهنى
لو ليك نفس مطمئنه
تعيش وياها ف الجنه
هاتفرح بيك وهاتصونك
وعمرك يوم ماتتجنى
على غيرك
حتى لو ف يوم خانك
وهتسامح وهتصالح
وتبقى الوالده دعيالك
وذكر الله على بالك
وطعم الطاعه ف لسانك
تحس ان الحياه حلوه
وترضى والرضا نعمه
وتبقى الرحمه راس مالك
لكن مالك
بتعمى العين بندعيلك
لكن القلب لو يعمى
هاتبكى كتير على حالك
وتتحاسب بافعالك
كلمه اخيره اقولهالك
من نفسك
على نفسك
استحرس وخد بالك
عشان الساعه جيالك
على ميزانك هناك عملك
والجنه منى املك
مش ممكن هاترضابك
على نفسك ومن نفسك
خد بالك
تلقى ف الجنه مكانك