ثورة قلق ، بقلم / مازن عمر

وسط الزحام و القلق

عالم غريب أنخلق

فيه الحليم أنسرق

فجأة الاحلام تنحرق

مع الكلام على الورق!

وسط الزحام و القلق

دنيا عجيبة أتشكلت

وعيون غريبة أتركبت

وقلوب في الغربة أترملت

أوقات عصيبة أتمكنت

حياتنا بقيت على مفترق

وفي منا تايه في السبق

مين الملام؟ مين لايامنا سرق؟

وسط الزحام و القلق

حاجات كتيرة أتبدلت

أوقات الحيرة طولت

وشوش عيرة أتحولت

وعقول فقيرة أتحكمت

آن أوان الفجر يبان

وسط الميدان عيون الحرية

فنجلت وقلوب الشبان فتحت

ببان اقفاص العتمة وكلمة واحدة

رددت...تمرد!