* كلمتها **بقلم / محمد لبيب مصيلحى
كلمتها وحكيت معاها
بكلام كتير عن الهوى
شغّلت كتير أوى بهواها
وقلوبنا بس بقت سوى
ده أنا أنسى روحى ولا أنساها
كلمتها وحكيت معاها
سلمتها قلبى معاها
سلّمت قلبى وروحى سوى
سكّنت روحى جواها
وعرفت أيه معنى الهوى
ده انا أعيش العمر أستناها
كلمتها وحكيت معاها
تندهلّى ويحلّى لى نداها
صوتها برنينه أحلى ندى
وأن ندهت تانى أتمناها
تندهلى تانى بأعلى ندى
ده أنا قلبى وروحى وياها
كلمتها وحكيت معاها
مشتاق لها وبتمناها
ده أنا عمرى وياها أبتدى
وأن عشت عمرى أستناها
بس تندهلّى ولو ندى
والله ما لاقيت حد سواها
كلمتها وحكيت معاها
*******************************************
ليست هناك تعليقات