دموع للبيع .. بقلم أ / جيهان فتحي

بقلم / جيهان فتحي

 

دمـــــوع للبيـــــع :: ♠
§♣◦♣◦♣◦♣◦♣◦♣◦♣◦♣◦♣ §

وليه تبكي على فرقة
وهي كده وكده مفارقة
...

عشان دي حياة
& ~ ♣◦♣◦♣◦♣ ~ &

ولو كان لازم تبكي
تعالى ابكي الدموع أنهار
عشان يوم ما هتروحله
وهتقابله وهتقوله ..
كدبت ليه ؟؟
وشمس الوفا ف قلب الدفا
دي خنتها ليه ؟؟
& ~ ♣◦♣◦♣◦♣ ~ &

وليه نميت وليه اتغبيت ؟؟
وبقلوب بنات غيرك ليه اتسليت ؟؟
تعيش توعد وتتحلف بحضن وبيت .
تبني جبال وصرح خيال
ووقت الجد رُحت جريت
& ~ ♣◦♣◦♣◦♣ ~ &

وليه تهتك عروض الغير ؟؟
دي أرض الخيانة ما تطرح خير
لملم وجمع كله في بير
ويوم الحساب مع ربي عسير
& ~ ♣◦♣◦♣◦♣ ~ &

عاوز تبكي ؟؟
تعالي ابكي سيول وسيول
أرض الجوامع داسها خيول
ومين يسمع ومين هيقول ؟؟
وانت بالغرام مشغول
& ~ ♣◦♣◦♣◦♣ ~ &

تعالى ابكي على طفلة مالاقية جنيه
سكنها خبيث مالاقية حسيس يمد اديه
تقوم تصرخ ف ليل يوجع دوايا فين
وأم تبيع ضيا عينها وكل الحزن ساكنها
وانت بتدور ف دردشات حبيبتك فين ؟؟
& ~ ♣◦♣◦♣◦♣ ~ &

تعالى ابكي على أخلاق رثوا موتها
وأم شهيد جناحها مال وطفوا الحلم ف عيونها
هنا خونة باعوا الدم ولا مرة قالوا نصونها
عيال تتباع بحفنة مال مع الاهمال وده قدرها
& ~ ♣◦♣◦♣◦♣ ~ &

هيكفي منين نجيب الدمع ع اللي راح
ولسة الجاي مستني
دفنا الحلم ف أرض الليل
وبالأشواك متحني
لكنه سعيد ببعده عنكوا متهني