ينام الليل بقلم محمد السباعى

ينام الليل وانا صاحي
وقلبي في الهوى دايب
اداوي الكل بجراحي
وانا لوحدي ماليش نايب
وصورتك لما بتجيني
باشوف الفرحه في عيني
ونظرة شوق تناديني
ترجعلي أمل غايب
ينام الليل وانا صاحي
وقلبي في الهوى دايب
****
ينام الليل وانا سهران
بافكر فيك وتنساني
وقلبي في هواك حيران
قتيل حبك وبيعاني
وهجرك زاد كتير ياما
بقت ايامي دوامه
خايف لتحس بندامه
وفي الآخر ما تتجاوب
ينام الليل وانا صاحي
وقلبي في الهوى دايب
****
كفايه بعاد وطمني
وقوللي امتى هاتجيني
عشان مشتاق تكلمني
وييجي النوم يزورعيني
تعبت خلاص حبيبي فراق
وقلبي للُقا مشتاق
وضحكه م العيون ترياق
تداوي سهمك الصايب
وارجع تاني انام الليل
وترجع ليا يا غايب