والله طعمه ... بقلم الشاعر / هشام عوض

بقلم / هشام عوض

 

انا كل مابعــــــد
وأقول خـــــلاص
وأقول دي راحتي هي الخلاص
...

ترتاح جروحــــي
لما تروحــــــــي
وانا افك روحي وارتاح يانــــاس
نرجع نحاســــب
واقول واعـــــاتب
وانسى وكأني غسلالي راس
وفـ بسمه منــك
بدوب فـ حسـنك
وأروح فـ دنيا ملهاش أســـاس
♥♥♥♥♥♥♥♥♥♥♥♥♥♥♥♥♥♥♥♥♥
وتعودلي ريـــمه
لعادتها تانــــــي
عاده قديمه خليتني اعانـــي
خليتني ارجـــــع
أقول ياريتــــــني
واندب لحظي واللى رمانـــي
ونقول فـ كلـــمه
بعديها كلــــــمه
نرجع ونصفي لـ يادوب ثوانـي
لكن شويـــــــــه
والمكر غــــــــيه
الاقيكي جايه بحكايه تانــــي
♥♥♥♥♥♥♥♥♥♥♥♥♥♥♥♥♥♥♥♥♥
نرجع نعانــــــــي
ونعيد اغانـــــــي
ارجع اعاتبك وبشوق تمــيلي
أرجع أطبـــــــطب
ولقربك أرغــــــب
وفـ لحظه اجى ليكي وتجيلي
واقول واعيــــدلك
مقدرش بعــــدك
وانتى بدلالك تتدلــــــــيليلي
خلاص مـاهو انتِ
عارفه ما هونتــي
والمكر فيكي ويلي ياويـــــلي
♥♥♥♥♥♥♥♥♥♥♥♥♥♥♥♥♥♥♥♥♥
بالله علــــــــيكي
دي الرحمه حلوه
خوفي فـ زعلى أعملي بلـوه
ولا عشانك
ماليه مكانك
واثقه بكلمه هتخدني نَسـوه
مهما بحبك
وبدوب فـ قربك
خفي عمايلك دا العقل نـعمه
لكن هـــــــقولك
بموت في كهنك
والله بحبك وياروحي طــــعمه