هذا أنا ... بقلم الشاعر / ضياء الأدريسي

بقلم / ضياء الأدريسي

 

افتح كتاب عهده جديد
غرقه ف دم الشهيد
واكتب سلامي للوطن ،،، امحي الفتن
وبلاش تقول عهد الولي
...

لساه علي.....واقف بيرضع م العجاف
عنده أمل %
رغم انه شاف الفجر صايم من سنة ....... هذا أنا
عندي أمل
شايف مصابيح الوطن زي النهار
شايف إبادة للفتن رغم الشعار
مكتوب على صمت البشر
حتى الجدار مكتوب عليه
احزر خطر
حتى اما بيجينا المطر
بنخاف هلاك
بنبيع كتابنا ... وصمتنا يبقى امتلاك
واللي بيعلن عالملئ.....دمع الشهيد
واللي بيقول اتسلق....دستور جديد
الكل خايف م الغرق
بيقول نعيــــد…!!!
ام الشهيد .... فين اسمها
فين اللي مكتوب عنها
يا معلمين
مين اللي ضيع حقها... بين البينين ؟
لسه الكمين
منصوب على أرض العدو
ولا فيش عساكر ، منهم
لساه بيذكر اسمهم
ابن الردي
لساه علي ، عنده أمل
رغم انه فاكر الجمل
دا يدوب سنه .... هذا أنا
إبن الفقير
جاهل سياسي إكمنها ..... ملهاش ضمير
رافضة تقولي سرها
رغم اني كاتب اسمها
فوق المكاتب والورق
فوق الكتاب اللي اتسرق
فوق الطبق
ومتضحكوش ان قلت كاتبه عالسرير
وكمان كثير...... فعل الضنا
هذا انا
شايف فرح
وادي الدليل ... لما طفح
إناء قلم
متخفش بكرة يا محترم
افرح دا خير
مين اللي هيهد الهرم !!!
مين اللي ناوي يغتنم
عرش الامير
اوعاك تسير خلف النفاق
وبإتفاق
ترفض شرائع ربنا
أثبت هنا
الشرع حابب أرضنا
من الفا عام
وبلاش تكون إمعة
ترضى بإن ( البردعة }
تمسك لجام !!!
العقل فين..!!..
وبلاش أصابع الاتهام ،،، للمسلمين
واحزر تقول قال الامام ،،،الا بدليل
وبلاش تعيش جواك ذليل
كلمة تنحـــــــــــــــــــــــــــي
أو رحيـــــــــــــــــــل
ف الوقت دا
مش احتـــــــــــــــــرام
،،،،،،،،،،خلص الكلام ،،،،،،،،،،،،،
باقي العمل
وبقولكمــــــــــــــــــــــــــــــــــــــ عندي أمل
هــــــــــــــذا أنـــــا